Sumar

Nú mætti snjórinn gufa upp og vorið hefja innreið sína.  Mig langar alveg heilan helling að viðra tásurnar og læsa lopapeysurnar inn í skáp.  Sól sól skína á mig o.s.fr.  Mig er farið að dreyma um að Ísland verði við miðbaug þegar ég vakna á morgun.  Ég get vel sætt mig við það að sumarkvöld á Íslandi væru heit... skella sér á kaffihús á kvöldin og hitastigið væri enn yfir 20°C og vonandi sjá allir að sjálfsögðu er um úti kaffihús að ræða.  Sandalar, létt sumarföt, lykt af sólarvörn....ummm þetta eru draumórar.

Um daginn var þema í vinnunni hjá manninum mínum og allir starfsmenn áttu að mæta í sumarfötum.  Það var ekki nema einn sem var raunsær og mætti í íslenskum sumarklæðnaði; appelsínugulum regnstakki! 

Athugasemdir

[vargur (IP-tala skráð) 26.4.2006 kl. 20:36]

thvi midur koma moskito, sandflugur og annad leidindarkvikindi med hitanum :)

[KVENSNIFT, 1.5.2006 kl. 00:07]

ekki ef það er andskoti nógu þurrt líka